The Way I Loved You-Chapter 10

Chapter 10

“I’m really sorry, Son. You may disown me as your father.” Hinging paumanhin ng kanyang ama. Habang ito’y kusang sumusuko na sa mga pulis.

            “Dad, I’ll forgive you for what you’ve done, but I don’t think Leila can forgive you.” Sagot naman nya sa ama.

            “I want to see her; I want to apologize to her. Please son, let me talk to her.” Pagmamakaawa pa nito.

            “I think, I’m not the one who can decide that.” Aniya at nakatingin sa mga pulis na humuli sa kanyang ama.

            Tumango naman ang mga pulis sa kanya. “Maari po siyang lumabas sa press para manawagan o kausapin si Miss Soriano. Pero hindi po namin sya madadala mismo kung nasaan si Miss Soriano.” Tugon ni PO1 Robles.

            “Naiintindihan ko po.” Nakakaintinding sambit nya.

            “Maari nyo pong kausapin mismo si Miss Soriano kapag kusa na po syang lumabas sa publiko.” Paliwang pa ng pulis.

            “I understand.” Nanlulumo man ay maluwag sa dibdib na tinanggap pa rin ng kanyang ama ang pahayag ng pulis.

            “Dad, you’ll always remember, you have your family here and ready to wait hanggang mabigyan ka ng parol.” Sambit nya sa ama.

            “I know, son. Even if I’ve caused so many pain in our family. Na syang ikinasira nito. Alam ko, mahal ako ng iyong mama, pero lumayo sya upang matuto ako sa mga pagkakamaling nagawa ko, pero naduwag akong aminin ang totoo. At humantong sa ganitong sitwasyon, na mismong anak ko pa ang magpapahuli sa akin.” Malungkot pa rin na pahayag ng matandang Don.

            “Dad, Mom is alright, she forgives you for what you’ve done, but please, forgive yourself too so that you can move on.” Payo niya sa ama.

            “Hindi ko mapapatawad ang sarili ko hangga’t hindi ako napapatawad ni Leila.” Tugon naman nito sa sinabi niya.

            “I can talk to her, huwag ka ng mag-isip pa, Dad.” Aniya para lang mapayapa ang isipan ng matanda.

            “Can you?” tanong naman nito at mukhang hindi pa naniniwala sa sinabi nya.

            “Yes, Dad, I can talk to her, so please, stop worrying about her.” Sagot naman niya dahil alam niyang matanda na ang ama niya. May sakit na rin ito sa puso.

            “Aasahan ko yan, iho.” Tuwang tugon nito at makikitang nagsisisi na ito sa kanyang nagawa.

            At matapos silang mag-usap na mag-ama, dinala na ito sa presinto. Pero hindi na sya sumama pa. Pupuntahan niya si Leila. At hihingi sya ng tawad. Pakikiusapan din nya ito na patawarin na ang kanyang ama, kahit alam niyang mahirap para sa isang tulad niyang nangulila ng mahabang panahon.

            “What are you gonna do?” tanong ni Jyda kay Richard ng magkita sila ng araw na iyon. Sa bahay naman mismo ni Jyda sa QC.

            “Do the thing na dapat ay matagal ko ng ginawa.” Sagot naman nito. Habang nakaupo naman sa may sofa. At abala ang paningin sa dyaryong binabasa, na ang headline ay ang pagkahuli sa ama ni Harold bilang salarin sa pagkamatay ng mga magulang ni Leila Soriano.

            “Bakit ka pa narito? Sabihin mo na ang totoo.” Payo naman niya dito pero may lalakarin kasi sya kaya niya itinataboy ito.

            “Ba’t parang gusto mo na yatang paalisin ako? May inililihim ka ba sakin?” nakahalata namang tanong nito na biglang napatingin sa kanya.

            “W-wala naman, darating kasi si Mama, baka kasi magulat yun at makita ka dito eh alam niyang bading ka.” Palusot na rason naman niya.

            “Well, tama ka, hindi pa panahon para sabihin ang tunay kong pagkatao sa publiko, pero si Leila a.k.a Amber ay napapanahon na.” Anito at isang nakakalokong ngiti ang iginawad kay Jyda.

            “Then what are you waiting for? Go ahead; I’ll cheer you for that.” Patuloy na pagsisinungaling ni Jyda.

            Tinitigan naman siya ni Richard. “Yan ang gusto ko sayo, Jyda Babe. Lagi kang nakasuporta sa lahat ng ginagawa ko. Kaya mahal na mahal kita eh.” Anito at sabay halik sa kanyang mga labi.

            Hindi naman sya tumutol pero iba ang tumatakbo sa kanyang isip ng  mga oras na iyon.

            Kusa ring pinutol ni Richard ang kanilang paghahalikan. “I gotta go, Babe, aayusin ko pa pala ang mga papel ko for New York and my appointment to ACN.” Anito at tumayo na.

            “Okay, Babe, I wish you good luck.” Isang ngiti naman ang iginawad nya dito. At tuluyan na itong umalis.

            “I want to stop you, Richard. That’s why I’m doing this.” bulong ni Jyda sa sarili ng makaalis na si Richard. “Ayokong pagsisihan mo sa huli ang mga ginagawa mo kaya uunahan na kita.” Patuloy pa nya.

            “I love you, and I want you to live without that hatred in your heart, I want you to forgive those people na wala naman talagang kasalanan.” Patuloy pa rin niya. At pagkasabi nun ay mayroon lang syang kinuhang isang long brown envelope sa kanyang kwarto at umalis na.

            Gusto niyang maging maayos ang lahat. Ayaw niyang si Richard pa ang mapasama sa lahat. Kaya gagawin niya ang alam niyang tama.

            “Nay, patawarin nyo po sana ako dahil nagsinungaling ako at pinapaniwala kong nagkaroon ako ng amnesia, hindi ko naman po intensiyon na pahirapan kayo.” Hinging tawad ni Leila kay Shienna.

            “Naiintindihan kita, Leila. Alam kong ginawa mo iyon upang protektahan mo ang iyong sarili, gaya ng ginawa ko. Kaya huwag mong isipin na galit ako sa iyo.” Mahinahong sambit naman ni Shienna sa kanya.

            Napayakap naman siya dito. “Salamat sa malawak na pang-unawa, Nay Shienna. Tandaan nyo po, mahal na mahal ko po kayo.” Aniya habang lumuluhang nakayakap kay Shienna.

            “Alam ko iyon, Leila. At hindi ko pinagsisisihan na hindi kita iniwan.” Sagot naman nito na lumuluha na rin.

            Kumalas sya. “Nay, papayagan nyo po ba akong puntahan ngayon si Tito Paul?” tanong nya. Si Paul ay ang ama ni Harold na si Paul Ocampo.

            “Kung ano ang alam mong makakabuti, anak, sige, kausapin mo sya.” Nakakaunawa namang pahayag nito.

            “Salamat po, Nay. At syanga po pala, tungkol po kay Harold...”

            “Sssshhh...” putol ni Shienna sa sasabihin pa sana niya. “Alam kong mahal mo sya, kahit hindi mo sabihin sakin, at natutuwa akong pareho kayo ng nararamdaman, pero gusto kong ayusin niyo muna ang lahat bago niyo ipagpatuloy ang sa inyong dalawa.” Mahabang pahayag naman ni Shienna.

            “Opo, Nay.” Nakangiting sang-ayon naman niya. At sa puntong iyon ng kanilang pag-uusap ay biglang may nag-doorbell.

            Agad namang tumalima si Shienna upang alamin kung sino ang kanilang panauhin.

            Hindi kilala ni Shienna ang babaeng nasa kaniyang harapan ng pagbuksan niya ito. “Sino ho sila at sino ho ang kailangan nila?” magalang na tanong niya dito.

            Ngumiti naman ang babae. Maganda ito. Matangkad din. “Ah, ako ho si Jyda, kaibigan ni Cheska, nais ko ho sanang makausap si Amber, nariyan ho ba siya?” tugon nito sa tanong niya.

            Nagulat naman si Shienna. ‘Sya pala ang nagpanggap na Leila na sinasabi ni Harold.’ Sambit ng isipan nya. “Anong kailangan mo sa anak ko?” galit na tanong niya dito.

            “Wala ho akong kailangan sa kanya, gusto ko lang ho siyang makausap tungkol sa isang importanteng bagay.” Sagot naman nito pero hindi naman naiinis.

            Narinig naman ni Leila ang mga sinabi nito na sumunod pala kay Shienna sa paglabas kanina.

            “Nay, papasukin nyo na ho.” Sabat niya at sabay pang napatingin sa kanya ang dalawa.

            “Sige, pasok ka, iha.” Analang ni Shienna at niluwangan ang bukas ng kanilang gate. Nagpatiuna naman si Leila sa loob ng kaniyang bahay. Sumunod naman ang dalawa.

            “Maupo ka.” Mahinahong sabi ni Leila kay Jyda ng sila’y makapasok sa loob ng kabahayan.

            Naupo naman ito. “Salamat.” Sambit nito.

            At naupo na rin sya.

            “Ahmm... Anong gusto mong maiinom?” sabat naman ni Shienna.

            “Tubig nalang po, salamat.” Sagot naman nito at ngumiti pa ng matamis.

            “Sige.” Maiksing tugon naman ni Shienna. At tumalima na ito sa kusina upang kumuha ng tubig.

            “Anong sadya mo?” agad namang tanong ni Leila.

            “Just want to give you this.” Anito sabay abot sa kanya ng Long brown envelope.

            Kinuha naman niya ito. “Para saan ito?” tanong niya.

            “You can open it.” Saad naman nito.

            Binuksan niya ang envelope at inilabas ang mga laman. At nagulat siya sa unang larawan palang na nakita nya. “A-anong ibig sabihin nito?” bigla ay baling niya kay Jyda.

            “Richard Santos is also the child that you’ve met in the hospital 20 years ago. Nang malaman niyang kayo ang siyang naging dahilan kung bakit pati nanay niya ay nadamay sa mga namatay, itinatak na niya sa isipan niya na gaganti siya. At hanggang ngayon ay hindi pa rin nawawala sa isipan niya ang paghihiganting sinasabi niya. I know a lot about him than you. Pero sana, bago mahuli ang lahat ay maunahan mo na sya sa publiko. Na sabihin ang totoo.” Mahabang paliwanag naman ni Jyda sa kanya.

            Napakunot-noo naman siya. “Anong sabihin ang totoo?” tanong niya.

            “Na ikaw at si Leila ay iisa, dahil nasa headline na rin ng mga TV stations ang tungkol sa nakaligtas na nag-iisang anak ng mag-asawang Soriano.” Sagot naman nito.

            “So you mean binabalak ni Cheska... I mean Richard na sabihin sa publiko ang totoo kong identity without my permission?” tanong niya ulit dito.

            “Yeah, pero hindi ko alam kung kailan, pwedeng ngayon, pwedeng bukas, hindi natin alam.” Sagot naman ni Jyda.

            “Okay, I understand.” Aniya at sabay tayo.

            “I’ll go with you.” Sambit naman ni Jyda.

            “Huwag na, baka magalit lang sayo si Richard kapag nalaman niyang dahil sayo kaya nalaman ko ang mga plano niya.” Pigil naman niya dito.

            “I used to know that, kaya nga nagpunta pa ako ngayon dito dahil ayokong sa huli ay ang mahal ko ang mapahamak.”

            “Mahal?” gulat na tanong niya dito.

            “You heard me right, he’s not a gay. He is my fianceé and I don’t want him to suffer into hatred.” Pag-aamin naman ni Jyda sa kanya.

            “So talagang planado pala lahat ng pagkakakilala namin?” bigla ay napalitan ng pagkalito ang kanyang reaksyon.

            “Yes, and he ask me to use my connections in showbiz for you, para makuha niya ang tiwala mo. Dahil alam niyang may amnesia ka.” Pagtatapat muli ni Jyda sa kanya.

            “Wala akong amnesia.” Pag-amin din niya.

            “I know.” Tugon naman nito.

            “You knew?”  Takang tanong naman niya.

            “I made my own investigation, and I started with your doctor, he hesitates to tell me the truth at first, but I told him I’m not one of those people who want to kick you. And we made an agreement letter. Na walang ibang makakaalam maliban nalang kung mismong ikaw ang magsasalita.” Paliwanag naman nito.

            “So eversince na nagkalapit kayo ni Richard, alam mo na ang tungkol sakin?” patuloy na tanong niya.

            “Yes, and I’m not going to lie this time dahil kailangan na nating unahan si Richard sa kanyang gagawin.” Anaman nito.

            “Kung ganoon, matutulungan mo ba ako sa ACN?” bigla ay tanong niya.

            “Walang problema, kung para sa ikabuubti naman ng lahat. Nakausap ko na rin sila tungkol kay Richard na huwag munang bigyan ng appointment ngayon, at para na rin sayo gagawin ko ang nararapat.” Tugon naman nito.

            “Bakit mo ito ginagawa?” muling tanong niya dahil bigla ay nagtaka sya.

            “You’ll know everything at the right time, but now, the most important thing is we can settle your problem to people.” Mahiwagang sagot nito.

            Nagtataka man ay hindi nalang uli sya nag-usisa pa. Nagpaalam muna sila sa kanyang nanay Shienna bago umalis. Nagtataka man ang kanyang nanay Shienna ay pumayag na rin ito.

            Mga dalawampung minuto nang nakakaalis sina Leila ng dumating naman si Harold sa bahay niya.

            “Naku, Harold. Kakaluwas lang nila ni Jyda ng Maynila.” Sambit naman ni Shienna sa kanya.

            “Ho!?” gulat na reaksyon nya.

            “Oo, sinundo siya nung Jyda, mukha naman palang mabait yung babae, nagkamali lang siguro tayo ng akala noong una.” Tugon naman ni Shienna.

            “Saan daw po sila pupunta?” muling tanong niya.

            “Hindi ko alam eh, basta nagpaalam lang sila sa akin kanina. Pero may narinig akong ACN ba yun?” sagot naman ni Shienna.

            Bigla ay nagliwanag naman ang mukha niya sa narinig. “Sige po, Nay. Aalis na po ako.” Bigla ay Paalam niya dito.

            Nagulat man ay um-oo nalang ito. “Mag-iingat ka, iho.” Pahabol pang sigaw nito. At nailing nalang na ibinalik ang atensyon sa ginagawa. ‘Ang mga batang ‘to oo.’ Nasambit nalang ng isipan ni Shienna.

            Pagkasakay ng kanyang kotse ay agad na pinaharurot ni Harold ito. Hindi niya alam ang tumatakbo sa isip ngayon  ni Leila at hindi niya alam kung bakit siya sumama sa Jyda na iyon. Kaya  kailangan niya itong maabutan. Baka mapahamak pa sya sa gagawin niya.

            “Whatever happen, i won’t give up on you, Leila.” Nasambit niya sa sarili habang patuloy sa pagmamaneho pabalik ng Maynila.

            Samantala ay dismayado naman ni Richard ng tanggihan siya ng ACN para sa isang appointment na hinihiling nya. Kinausap na rin niya ang isang reporter na magandang scoop ang ibibigay niyang balita.

            Nais man ng reporter ay mukhang nasabihan na yata ito ng management na huwag muna itong tatanggap ng kahit na anong balitang makakasira sa kanilang mga talents. Palibhasa at ACN din ang may hawak ngayon kay Amber.

            Kaya naman napag-desisyunan nalang ni Richard na sa ibang network nalang siya makikipag-usap. Nang sa ganun ay walang poprotektahan, ang isa sa mga katunggaling network ng ACN.

            Sa wakas ay nakarating na sina Leila at Jyda sa mismong ACN. Agad silang dumiretso sa management. Kinausap nila ang pinaka-head at sinabi kung ano ang kanilang kailangan.

            At laking gulat ni Leila na ama pala ni Jyda ang may-ari nito. “Dad, please. Help us.” Pakiusap ni Jyda.

            “Ano na naman bang kalokohan ang ginawa mo?” galit ngunit hindi naman iyong tipong magtatagal.

            “Dad, this time, hindi kalokohan ang gagawin ko, I’m just doing this for the sake of everybody.” Sagot naman ni Jyda.

            “Sir, Please.” Nagmamakaawa na ring sabat niya.

            “Dad, I know I did a lot of headache on you even if I’m not your real daughter, but trust me this time dad.” Nagsusumamo namang sambit ni Jyda.

            “I never treated you as anybody, Jyda. I treated you like my own.” Sagot naman nito. “Okay, tell them we have breaking news for a special interview of Amber.” Nasabi nalang nito kay Jyda.

            “Okay, Dad. I’ll tell you everything later, dad.” Ani Jyda sa ama at agad na silang nagtungo sa studio.

            Kinausap nila ang isang sikat na talk show host na si May na siyang mag-iinterview kay Amber. Ikinuwento nila dito kung ano ang totoo. At pumayag naman agad ito.

            At maya-maya pa ay pinutol na ang kasalukuyang palabas at on-air na ang interview sa kanya. At saka naman ang pagdating ni Harold. Pupuntahan sana nito si Amber, ngunit pinigilan siya ni Jyda.

            “Don’t, please.” Habang pigil-pigil si Harold.

            “What is happening?” Takang tanong naman ni Harold.

            “Just listen.” Maikling sagot ni Jyda at binitiwan na siya.

            Wala naman nang nagawa pa si Harold dahil nag-umpisa na ang interview. Tahimik nalang silang nakinig.

            At nagulat siya ng ikinuwento lahat ni Leila. Inamin niyang siya nga ang anak ng mag-asawang namatay sa aksidente 20 years ago.

            At dahil alam na ni Jyda ang lahat. Naiiyak na nagtungo siya sa office ng kanyang ama na kasalukuyang ding pinapanood ang interview.

            Nagulat ito sa kanya. “Jyda? Why are you crying?” tanong nito at tumayo sa kinauupuan at nilapitan siya.

            “Dad, can I talk to you?” tanong niya sa ama imbes na sagutin ang tanong nito.

            “Sure.” Sagot naman nito. “Here, have a seat.” Anito at iginiya siya sa isang sofa sa office nito.

            “Dad.” Umpisa nya dito ng makaupo na sila. Pinahid muna niya ang kanyang mga luha. “I have something to confess.” Patuloy niya.

            “Go ahead, iha. I’m listening.” Tugon naman nito na mataman siyang pinagmamasdan.

            “You already know that Amber and Leila is only one person.” Muling sambit niya. Tumangu-tango lang naman ito. “And I am looking for my long lost sister.” Dugtong pa niya. “But I don’t know if she’ll accept me for who I am, being her half sister.”

            “And your half sister is who?” tanong naman ng kanyang nakagisnang ama.

            “Leila Soriano.” Diretsong sagot niya.

            Hindi naman na nagulat si Christopher. “So what are you gonna do after this?” natanong nalang nito.

            “Dad, I want to talk to Richard first about this.” Umiiyak pa rin na tugon niya. Alam din ni Christopher ang tungkol sa kanila ni Richard dahil nga ayaw nyang maglihim sa mga ito. Kahit sa nakagisnan na niyang kapatid at ina.

            Hindi naman sinasadyang marinig lahat ng iyon ni Harold. ‘So may kapatid pala sa labas si Leila. Iyon pala iyong minsang narinig kong pinang-blackmail ni dad sa daddy ni Leila. Kaya pala magkahawig sila ni Leila.’ Sunud-sunod na sambit ng isipan ni Harold.

            Sakto naman ng natapos ang interview ni Leila ng palabas na siya. At huli na para hindi siya makita ni Leila.

            “Harold?” sambit nito na nakatitig lang sa kanya.

            “Leila.” Usal naman niya na animo nablangko ang kanyang isipan kung ano ang sasabihin niya dito.

            Pero nagulat siya sa sumunod na nangyari. Biglang tumakbo si Leila palapit sa kanya at sinalubong sya ng yakap. Nagulat man ay gumanti sya dito ng yakap at maya-maya pa ay kumalas ito sa kanya. At syang ipinagtaka na naman niya.

            “I love you, Harold” usal nito. At isang pulgada nalang ang agwat ng kanilang mga labi.

            “Oh God, Leila, I love you more than you’ve ever know.” Anas niya at saka sinalubong ang mga labi ng dalaga ng kanyang mga labi.

            Wala na silang pakialam pa sa mga kamerang nakatutok na pala sa kanila ng mga oras na iyon. Pinatawad na rin ni Leila ang ama ni Harold dahil gusto na niyang mabuhay ng maayos at walang problema. Ayaw na niya ng gulo. Kakausapin din niya si Richard.